蒲台島位於香港最南既一個島有「香港南極」之美譽,如果你係D鍾意蠱靈精怪既石頭 既愛好者 , 咁你一定要去喇 , 因為果度有好多奇形怪狀既石頭--- 棺材石 ,仙人石、僧人石及靈龜上山石等... 另外 , 蒲台島亦都係一個觀浪及釣魚聖地,大家不妨抽空去體驗一下。
行程:
觀塘碼頭--->蒲台島碼頭--- >天后古廟--->田螺石--->巫氏鬼屋--->棺材石---> 觀日亭--->僧人石--->靈龜上山石--->南角咀--->佛手巖--->坤記士多--->屋企
入蒲台島之前我做過資料搜集 , 我發覺好多人都會以天后
古廟做終點站,我緊係唔理佢地啦 ,入到去人地既地方,緊係
第一時間去拜訪當地既揸FIT人先啦....更何況陣間要去
鬼屋喎...幾大都拜左個神先 !! 落船靠左行 , 穿過沙灘行
五分鐘左右就到天后古廟,為免褻瀆神明故只係係間廟出面
求其咁影左一幅相就算 !!
巫士鬼屋就係咁架喇 !! 其實都唔係咁恐怖啫 , 危樓一橦 ,早幾
年去仲有樓梯可以上二樓 , 而家上二樓就要靠輕功喇 ,相傳
以前巫氏一家係島上係大戶人家 , 但係一夜之間全家人消失
得無影無蹤 , 從此間大屋就人去留空亦因而鬧鬼 , 離開古
廟開碼頭方向行 , 去到蒲台學校 , 沿石級上數分鐘就到 !!
去完鬼屋 , 沿路上山經過棺材石 , 再上觀日亭 (蒲台島最高
峰 ),你可以係度食個 lunch , 不過我就唔會囉 , 幾大都行多陣
, 落數百級樓梯 , 過埋果兩舊僧人石及靈龜上山石 就到達
南角咀 ,果度地方大 , 可以食個 lunch 抖一抖 , 唔駛係果個咩
觀日亭度同人一齊逼丫麻 !! 鐘意你仲可以係度釣下魚 ,
享受下海浪興岩石編織而成既大自然交響曲 , 加支萬寶路 ,
呢D咪就係 QUALITY OF LIFE 囉
佛手巖...點解咁多舊石都唔介紹 , 係介紹呢舊 ? 老實講丫 , 我對
D石頭冇嘜興趣 , 不過呢樣都係其次 ,最重要既係根本得呢一舊所謂
佛手巖我先覺得似 , 其他果D咩石咩石 , 恕我蠢純 , 真係睇左都唔知
似咩 ,完全都唔知係咩個角度睇先至睇到 , 呢舊就唔同呢 , 機乎瞎既
都睇到 !! 睇石呢D野好講學問既 , 又要有聯想力 , 如果你下次去蒲
台島 , 你睇完D石記住話我聽點樣睇 , 指點下小弟丫麻 ^^ 尤其是係
果舊咩靈龜上山石 , 他媽的 !! 我去之前明明都已經上網睇過D圖架
啦 , 去到現場 , 邊個係龜頭都分唔出 , 你話死唔死丫 , 仲要係度博命
咁影相喎 , 因為我唔可以俾其他人知道我唔識睇架麻 , 笑都笑死啦 !
太平清醮 ... 其實我都唔知咩叫太平清醮 , 只係知道臨
走果陣係天后古廟傳黎D打鑼打鼓既聲音 , 咁大個壚係樹 ,
八卦既香港人緊係走去襯架啦 , 係咪 ? 大鑼大鼓就係因為要
請皇母娘娘保佑蒲台島風調雨順 , 唔講你可能唔知 , 其實
蒲台島既居民到而家都仲係維持捕魚農業既自閉式生活
係咪見到架船好似想飛上天咁呢 ?? 嗱我唔係用 PHOTOSHOP 整出
黎架 , 我真係估唔到原來全日最好玩果 PART 係係回程返屋企果陣
,本身我係架船度已經瞓緊覺架喇 , 點知瞓瞓下有離心力喎 , 睜開雙
眼 , 望一望 , 蒲台島潮漲 , 而我就逆水行舟 , 加上大風 , 我就好似去
左海洋公園玩海盜船咁 , 總之一個字---激 , 臨落船我多口走去問
下果個水手 , 我話 : 𠲖...係咪每次都咁大浪架 ? 佢話 : 今日係好小兒
科啫.... 咁其實仲駛嘜俾錢入海洋公園/迪士尼玩機動遊戲啫 , 俾四
十蚊來回蒲台島就得啦 !!
靈龜上山石 僧人石 棺材石
田螺石 見到呢個牌直入就係鬼屋 !!
好大風呀 
